Утре започнува новата сезона во Трета лига – Запад со натпреварите од првото коло, а веќе се познати и судиите кои ќе ја делат правдата.
Сезоната се отвара утре со натпреварот меѓу Речица и Зајази, кој се игра во Голема Речица, тетовско. Главен судија на овој натпревар ќе биде Александар Урошевиќ, а негови помошници ќе бидат Имран Абази и Генти Идризи. Делегат ќе биде Мујдин Ливорека, а пак контролор Музафер Имсаили.
Останатите натпревари на програмата ќе биде во недела.
Во Кичево екипата на Напредок ќе се соочи со Вардар од Брвеница, а за правдата ќе бидат задолжени Марјан Стојановски и неговите помошници Осман Зеќири и Никола Ѓорѓијоски, а пак делегат ќе биде Даут Алими, а контролор Ѓоре Војнески.
Новиот третолигаш Скендербеу ќе се соочи со некогашниот прволигаш Ренова, а Пларент Салихи ќе биде главен судија. Негови асистенти ќе бидат Александар Ѓорѓески и Метин Османи.
Делегат на средбата ќе биде Насер Есати, а пак контролор Аднан Идризи.
Влазерими на домашен терен ќе игра дерби со Џепчишти, а правдата ќе ја дели Бенарт Зеќири, а ќе му помагаат Зоран Јанкуловски и Вели Абдули.
Делегат на средбата ќе биде Арид Алими, а пак контролор Реџеп Дерала.
Дрита сезоната ја отвара против Камјани, во меч каде правдата ќе ја дели Бардхињ Ибраими, а ќе му асистираат Хабиљ Љиворека и Орхан Сабри. Делегат ќе биде Фатмир Салаи, а контролор Небојша Ѓорѓијевски.
Доброшти на свој терен ќе игра против Љуботен, а овој натпревар ќе го суди Ивица Петровски, а ќе му помагаат Беким Селими и Илчо Пауноски.
Делегат на средбата ќе биде Нуриман Салија, а контролор ќе биде Иљми Медии.
Комесарот за делегирање на судии во Трета лига – Запад, Музафер Исмаили во кратко изјава за Спортска Мрежа на сите клубови им посака многу среќа и успешна сезона, како и на судиите кои ќе делат правда во сезона 2025/2026.
