ФК Силекс во завршницата на летниот преоден рок официјално ги претстави новите засилувања кои ќе бидат дел од тимот за престојната натпреварувачка сезона.
На десната страна во одбраната пристигнува Лука Јакимовски, 20-годишниот бек кој доаѓа од редовите на Вардарски. На голманската позиција конкуренцијата ќе ја засили Кристијан Ѓорѓиевски, 22-годишник кој пристигна од Вардар Неготино, а за што веќе објави Спортска Мрежа. Средниот ред ќе добие дополнителна стабилност и креативност со Стојче Стојов (24) од Осогово, додека последно име во новата четворка е Зоран Андонов (25) од Брера Струмица – играч кој може да покрие повеќе странични позиции во нападот и одбраната.
Силекс ја отвори новата сезона во Првата лига на вистински начин – со максимални четири победи од четири одиграни натпревари. Кратовци во моментов имаат одлична форма, а новите засилувања дополнително ја зголемуваат длабочината на ростерот на тренерот.
Во рамки на 5. коло, викендов на домашен терен во Кратово ќе гостува Работнички, во дерби дуел кој може да биде нов тест за амбициите на тимот оваа сезона.
