Со убедливата победа од 0:9 против четвртолигашот Јени Мале, екипата на Шкендија ја потврди својата доминација и обезбеди место во осминафиналето на Купот на Македонија.
Новото засилување Атхе Мазари блесна со хет-трик за само осум минути (5’, 8’, 13’), а во листата на стрелци се запишаа и Флорент Рамадани, Назиф Цека (пенал), Фитон Адеми, Ендрит Красниќи (два гола) и Лиридон Латифи.
Освен тетовци, Шкупи славеше со 0:2 на гостувањето кај Кожуф во Гевгелија, со головите на Сухељ Муарем и Џихал Адили, додека Тиквеш беше поуспешен од Скопје со 0:1, благодарение на погодокот на Иван Ивановски.
Со овие резултати, познати се сите 16 учесници во осминафиналето.
Меѓу нив се 10 прволигаши Шкендија, Шкупи, Тиквеш, Башкими, Пелистер, Работнички, Силекс, Македонија ЃП, Вардар и Струга Трим Лум и шест второлигаши Брегалница, ГФК Охрид, Детонит Плачковица, Шкендија Арачиново, Беласица и Новаци.
Ждрепката за осминафиналето се очекува наскоро, а Купот ветува уште поинтересни дуели и неизвесни пресметки!
