Третолигашот Славеј од Мешеишта за новата сезона во Третата македонска фудбалска лига – Југозапад се засили со неколку квалитетни засилувања, а целта на клубот е висок пласман на табелата.
За остварување на таа цел клубот се засили со искусниот голгетер Никола Секулоски, потоа со Даниел Митрески, Бојан Тупанчески и Даниел Короскоски, кои во пакет доаѓаат од Сатеска од Волино.
Клубот се засили и со тројца млади фудбалери кои доаѓаат од младинскиот погон на второлигашот Охрид, а се работи за Антонио Ќитаноски, Марио Крстески и Јасин Гигов.
Третолигашот од Мешеишта изминатата сезона покажа дека е клуб кој е одлично организиран и кој има планови на долгорочна основа, а овие засилувања пристигнаа во клубот се потврда за нивните високи амбиции во новата сезона во Трета лига – Југозапад.
