По неколку години пауза одново во радовишко ќе има екипа која ќе игра во Општинската фудбалска лига во Струмица.
Фудбалскиот клуб Слога од радовишкото село Злеово се активира и се враќа на фудбалската карта на Македонија.
Клубот го пријави своето учество за сезона 2025/2026 во Општинската фудбалска лига во Струмица, а во која покрај Злеово ќе настапат и екипите на Ново Село, Куклиш, Дрвош, Радово, Балдовци, Пиперово и Добрејци.
По неколку години пауза се реактивира Општинската фудбалска лига во Струмица, а под водство на новото раководство предводена од претседателот Илија Илиев – Ромата и секретарот Столе Костадинов.
