Третолигашот Ударник од Пирава со сериозни амбиции влегува во новата сезона и дефинитивно ќе атакува на висок пласман, односно на првото место во Трета лига – Исток.
Клубот, кој изминатите години се наметна како одлично организиран и стабилен, ова лето значително го засили тимот со играчи кои носат големо искуство и квалитет. Од ланскиот второлигаш Вардарски пристигнаа Мирче Попов, Славе Танов и Илија Баламов, од редовите на Дојранско Езеро се приклучија Слободан Митков и Димитар Јанев, а од Тиверија дојде Филип Лазаров. Екипата дополнително ја засили и Сашко Ризов како слободен играч, додека младите таленти Здравко Павлов и Борче Атанасов добиваат шанса да се докажат во сениорската сцена.
Од клубот за Спортска Мрежа потврдуваат дека амбициите им се борба за првото место и влез во Втората македонска фудбалска лига.
Ударник ја стартува сезоната утре, кога на свој терен во Пирава ќе го пречека тимот на Брегалница од Делчево во рамки на првото коло. Сепак, најголемата фудбалска возбуда доаѓа веќе во 2. коло, кога во Валандово ќе се одигра вистинско мега-дерби на Југот меѓу Победа и Ударник. Натпреварот ќе биде повеќе од фудбалски празник, а се очекува да присуствуваат над 2.000 гледачи.
Новата сезона во Трета лига – Исток официјално започнува утре со натпреварите од првото коло, а оваа година ќе настапат 11 екипи, што гарантира интересна и возбудлива борба за врвот.
