Амбициозниот второлигаш Детонит Плачковица во самиот финиш на летниот преоден рок се засили со офанзивецот Иван Галевски.
Се работи за 28-годишен фудбалер кој доаѓа од редовите на штипска Брегалница, својата кариера новото засилување на радовишани ја започна во Македонија ЃП, потоа беше дел од екс прволигашот Еуромилк од Горно Лисиче, настапуваше и за Кит Го од Пехчево, а потоа имаше и меѓународна кариера во Португалија, каде настапуваше за тимот на Луситано, од каде се врати и продолжи во Силекс, Струга, прилепска Победа, Брера Струмица, одново беше дел од Македонија ЃП и последно го носеше дресот на Брегалница.
Детонит Плачковица добива искусно име во нападот, а се работи за играч кој настапува на десната крилна позиција.
Во Прва македонска фудбалска лига Галевски има забележано 94 настапи.
Галевски се очекува своето деби да го има утре на мечот од 3. коло против Слога Виница на домашен терен во Радовиш.
