Четвртолигашот Победа Ивањевци го засилување ростерот за новата сезона во Општинската фудбалска лига Битола. Нови имиња во тимот од Ивањевци се Денис Шабани и Мерсин Мемеди кои во пакет доаѓаат од редовите на Влазними Пресил.
Шабани игра како лево крило, а пак Мемеди е десно крило и треба да биде освежување во тимот на Победа од Ивањевци. Во клубот има и нов чувар на мрежата – се работи за Никола Ристевски од кој доаѓа од редовите на Младост Беранци, како и Бејтула Алимоски кој го засилува средниот ред, а пристигна од редовите на Далбеговци.
Екипата на Победа Ивањевци е засилена и со левиот бек Таркан Адемовски, а кој доаѓа од редовите на Пелагонија Трап, а во Победа Ивањевци исто така ново име е и Десимир Тошевски.
Од клубот има неколку заминувања – голманот Дарио Велевски кој го засили новиот третолигаш Могила, Никола Трајчевски кој замина исто така во новиот третолигаш Напредок Ношпал, а пак Даниел Паревски е во младинскиот тим на Пелистер.
„Од клубот имаме неколку заминувања, но веќе пронајдовме соодветна замена за истите. Костурот на тимот е сочува што беше важно за нас и истиот го засиливме со неколку фудбалери, со што одново ќе конкурираме за првото место“, вели тренерот на ФК Победа Ивањевци, Драганчо Велевски за Спортска Мрежа.
Екипата на Победа Ивањевци ќе се бори за влез во Трета лига – Југозапад.
