Женскиот ракометен клуб Атлетик од Скопје го потврди своето раководство, стручниот штаб и комплетниот играчки состав за новата сезона 2025/26, најавувајќи сериозни амбиции и борба за врвот на македонскиот женски ракомет.
Тимот ќе ги игра домашните натпревари во СЦ „Јане Сандански“, каде што ќе настапува и во Првата женска ракометна лига и Младинската женска лига на Македонија.
Во раководството на клубот се: Горан Стојков (претседател), Дејан Блажески (потпретседател), Ана Стојков (извршен директор), Ина Суслина (спортски директор) и Михаела Митреска (оперативен менаџер).
Стручниот штаб го предводи Татјана Хмирова, која ќе ја има поддршката од асистентот Ивана Велковска, тренерот на голмани Тања Андрејева, кондицискиот тренер Дејан Пецаковски, физиотерапевтите Надица Маџовска и Нина Димковска, како и спортскиот психолог Кирил Насков.
- Комплетен играчки состав на Атлетик за сезона 2025/26:
Голмани: Милена Пети, Ива Велковска, Матеа Чурлиновска
Леви крила: Моника Босилковска, Сандра Трпеска
Леви бекови: Анастасија Величковска, Михаела Кралева, Моника Митревска, Сара Богојеска, Калина Темелкова
Средни бекови: Миа Маринчов, Стефанија Ристиќ, Исидора Котеска
Десни бекови: Анастасија Дамјановска
Десни крила: Мирјана Думбалоска, Андреа Конеска
Пивоти: Наталија Дишковска, Алексија Ангелковска, Дафина Соколовска
Атлетик влегува во сезоната со комбинација на искусни ракометарки и млади таленти, со јасна цел – да изгради конкурентен тим кој ќе се бори за висок пласман и ќе внесе свежа енергија во македонскиот женски ракомет.
