Синоќа на турнирот во мал фудбал „Подареш 2025“ беа одиграни нови три натпревари, а на кои беа постигнати рекордни погодоци, а на што публиката можеше само да ужива во добриот фудбал, вкусната скара и ладното пиво.
Првиот меч најави дека ќе има вистинска голеада, откако Оливер Промет Подареш го декласираше тимот на Бунарџик со 1:8.
Веќе во вториот меч беа постигнати шест погодоци, а екипата на Инсајд Стил со 4:2 го доби тимот на Подареш, кој беше немоќен против разиграниот противник.
Во третиот меч екипата на Готен Јуниор доживеа вистински дебакл откако Ан Са и Перо и Тајфата со 1:12 убедливо триумфираа и најавуваат борба за висок пласман на турнирот кој со своето второ издание се наметнува како еден од најдобро организираните во регионот.
Вечерва продолжуваат возбудувањата со новите натпревари, а Спортска Мрежа по првпат е медиумски покровител на овој спортски настан.
