Синоќа започна осминафиналето на меморијалниот турнир „Алмир Ибески – Алмо 2025“ во прилепско Дебреште, два натпревари се решаваа во пенал-серијата.
Пред многубројната публика која и секоја вечер беше тука да даде поддршка, првиот меч заврши без победник во регуларниот дел, Имран Транс и Гранд Истанбул одиграа 1:1, а во пенал серијата екипата на Имран Транс беше подобра со 2:1 и со тоа се чекираше во четвртфиналето.
Во вториот меч публиката проследи доминантен и квалитетен меч со допадлив фудбал, откако Центар Бела Црква со 6:1 како на тренинг меч го декласираше Елемент Систем.
Во третиот меч одново пенали мораа да го решаваат патникот за влез во четвртфиналето, во регуларниот дел Долно Јаболчиште и Галатасарај доиграа 1:1, а во пенал серијата тимот на Галатасарај беше подобар со 1:3.
Вечерва продолжуваа новите возбудувања, а Спортска Мрежа и годинава како медиумски покровител на овој настан ќе ја пренесе атмосферата и резултатите.
