Македонскиот кадетски ракометен репрезентативец Мартин Иванов е нов член на МРК Куманово. Младиот ракометар, роден во 2006 година, игра на позицијата десно крило и во кумановскиот суперлигаш пристигнува од редовите на Борец Фруитленд.
„За мене како млад ракометар ова е ново поглавје во мојата спортска кариера. Се надевам дека укажаната шанса ќе ја искористам максимално и ќе се обидам да му помогнам на тимот наредната сезона да избори место меѓу првите шест екипи“,изјави Иванов по потпишувањето на договорот.
Кумановци, кои во новата сезона ќе бидат предводени од тренерот Аце Станковски, продолжуваат со засилувања со цел да изградат конкурентен состав за битката во Суперлигата.
