Стојаково и годинава ќе биде центар на фудбалските возбудувања во декември! На 5 декември 2026 година започнува традиционалниот новогодишен турнир во мал фудбал, кој ќе се одржи во спортската сала во Стојаково, а организаторите најавуваат богата натпреварувачка програма и вредни парични награди.
За најуспешните екипи во сениорска конкуренција е обезбеден награден фонд од 410.000 денари, од кои 200.000 денари ќе му припаднат на победникот. Второпласираната екипа ќе добие 100.000 денари, третопласираната 70.000 денари, додека за четвртото место се предвидени 40.000 денари.
Покрај екипните награди, ќе бидат доделени и индивидуални признанија за најдобар играч и голман на турнирот.
Можност за учество и на младите фудбалски надежи
Турнирот ќе има и јуниорска конкуренција, во која ќе настапуваат млади фудбалери поделени во четири возрасни категории: генерации 2012/2013, 2014/2015, 2016/2017 и 2018 година.
На овој начин, покрај сениорските натпревари, публиката ќе има можност да ги проследи и настапите на младите фудбалски таленти.
Пријавувањето на екипите трае до 3 декември, до 17:00 часот, а ждрепката ќе се одржи истиот ден, со почеток во 18:00 часот.
Котизацијата за учество изнесува 5.000 денари за сениорските екипи и 1.200 денари за јуниорските категории.
За пријавување и дополнителни информации, заинтересираните можат да се обратат на телефонските броеви:
- 070 508 366 – Никола
- 071 207 248 – Стојче
Со богат награден фонд, натпревари во повеќе возрасни категории и фудбалски возбудувања, новогодишниот турнир во Стојаково ветува уште едно интересно спортско издание за учесниците и публиката.
Спортска Мрежа и годинава е медиумски покровител на овој турнир, со што ја продолжуваме успешната соработка и поддршката за оваа спортска манифестација, која ќе донесе фудбалски возбудувања и уживање за сите љубители на спортот од Стојаково, Богданци, Гевгелија и околината.
