Фудбалерката Гоја Тчеури ќе ја продолжи својата кариера во македонскиот шампионат, откако потпиша договор со ЖФК Каменица Саса. Таа пристигнува како ново засилување во тимот кој има амбиции за високи резултати и во домашното првенство и на меѓународната сцена.
31-годишната Гоја Тчеури ќе ја продолжи кариерата во редовите на ЖФК Македонска Каменица, откако пристигна од ЖФК Тиверија Брера, каде имаше одлична сезона.
Со ангажманот на искусната и брзонога фудбалерка, тимот од Каменица добива на квалитет и искуство, а од неа се очекуваат многу голови и асистенции од крилните позиции. Новата фудбалерка треба да биде значајно офанзивно оружје во борбата за нови победи и успеси во претстојната сезона.
Клубот верува дека нејзиното пристигнување ќе биде од големо значење за исполнување на целите во тековната сезона.
