Македонската тенисерка Лина Ѓорческа се пласира во четвртфиналето на ИТФ турнирот во Куршумлијска Бања, Србија, откако денеска во второто коло ја совлада Италијанката Виторија Паганети со 2-0 во сетови (6-3, 6-4) по 100 минути игра. Во борбата за полуфинале, нејзина ривалка ќе биде Ксенија Зајцева.
Во првиот сет, по водството од 1:0 за Ѓорческа, Паганети направи серија од 3-0 и поведе со 3:1, но македонската тенисерка возврати со пет добиени гема во низа и го освои сетот со 6:3.
Вториот сет мина во знакот на постојаната предност на Ѓорческа, која поведе со 2:0 и 5:2, а во десеттиот гем ја искористи првата меч-топка за конечни 6:4.
Интересно е што Ѓорческа веќе има една победа над Зајцева во нивниот единствен меѓусебен дуел досега.
