Македонската тенисерка Лина Ѓорческа обезбеди пласман во второто коло на ИТФ турнирот што се одржува во Куршумлијска Бања, Србија. Таа денеска беше подобра од Романката Стефанија Бојика, која го предаде мечот во вториот сет.
Ѓорческа поведе со 1-0 во сетови, а потоа и со 1:0 во гемови во вториот сет, по што Романката реши да не го доигра натпреварот.
Во следната фаза, нашата најдобра тенисерка ќе се сретне со 19-годишната Италијанка Виторија Паганети, која се наоѓа на 499. позиција на ВТА листата. Таа денеска ја елиминираше Украинката Рада Золотарева со убедливи 2-0 во сетови (6-4, 6-2).
ИТФ турнирот во Куршумлијска Бања се игра за награден фонд од 30.000 американски долари.
