Прва лигаФудбал

ВАР системот доби зелено светло – промоција во ФФМ пред стартот на новата сезона!

Сподели
ФОТО: ФФМ
Сподели

Во „Куќа на фудбалот“ денес беше официјално промовиран ВАР системот, кој за првпат ќе се користи во Првата македонска фудбалска лига (Прва МФЛ) од новата сезона. Овој чекор претставува голем исчекор за македонскиот фудбал и модернизација во согласност со европските и светските стандарди.

Фудбалската федерација на Македонија (ФФМ) веќе изгради три ВАР-соби, контролна просторија и сервер, сè според строгите стандарди на ФИФА. Покрај тоа, обезбедено е и репортажно возило кое ќе се користи за телевизиски преноси на натпреварите.

ФОТО: ФФМ

На промоцијата зборуваа претседателот на ФФМ, Масар Омерагиќ, ВАР проект лидерот Дејан Јакимовски и претседателот на Комисијата за делегирање на судии, Јосип Бартон, кои ја претставија целокупната слика за имплементацијата на ВАР системот.

„ВАР системот во Македонија конечно стана реалност. Горд сум на тимот во федерацијата кој 24/7 работеше на овој проект. За само три месеци ја набавивме целата потребна технологија и изградивме три модерни ВАР-соби и контролна просторија. Многу поголеми федерации од нашата имаа потреба од подолг период за ваков проект, а ФИФА и УЕФА ни оддадоа признание – не им се веруваше дека ќе успееме во толку краток рок“, истакна Омерагиќ.

ФОТО: ФФМ

Сите клубови од Првата МФЛ пријавија стадиони кои ги исполнуваат условите за користење на ВАР технологијата и добија соодветни лиценци. Единствен исклучок е стадионот во Чаир, каде настапува екипата на Шкупи, бидејќи таму сè уште нема технички услови за имплементација на системот.

Судиите што ќе бидат дел од ВАР-собите ќе бидат исклучиво македонски арбитри, кои веќе минаа соодветна обука.

ФОТО: ФФМ

Со оваа новина, македонскиот фудбал прави значаен чекор напред во обезбедување на фер и прецизни судиски одлуки, што ќе придонесе за подигнување на квалитетот и регуларноста на натпреварите во најелитното домашно фудбалско натпреварување.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Кошарка

МЗТ Скопје доби нов тренер – искусниот Дејан Мијатовиќ го презема македонскиот шампион!

Актуелниот македонски кошаркарски шампион МЗТ Скопје Аеродром го реши прашањето околу новиот шеф на стручниот штаб. Искусниот српски стратег Дејан Мијатовиќ е назначен...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Поврзани написи
Фудбал

Чеферин: Со Масар имаме одлична соработка, македонскиот фудбал е во добри раце

Претседателот на Европската фудбалска унија (УЕФА), Александар Чеферин, во интервју за Фудбалската...

ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

✕
error: Содржина е заштитена! Се забранува копирање на истата!