Фудбалскиот клуб Детонит Плачковица од Радовиш ги отвора вратите за најмладите љубители на фудбалот. Клубот официјално ги започнува уписите во детската лига за генерации родени од 2013 до 2020 година за сезоната 2025/2026.
Младите фудбалери ќе имаат можност да тренираат во врвни услови, на терени со природна и вештачка трева, под надзор на лиценцирани тренери и веќе докажани фудбалери кои ќе го пренесат своето искуство и знаење на идните надежи.
Преку учество во Детската лига организирана од ФФМ, редовни натпревари, како и турнири низ Македонија и во странство, фудбалската школа на Детонит Плачковица нуди целосен и квалитетен развој на децата, со акцент на спортскиот дух, дисциплина и правилен раст.
Координатор на детските и младинските категории е Бојан Коцев, додека дел од тренерскиот тим се и Александар Чаракчиев, Зоран Ристов и Ѓорге Ристоманов.
Уписите и почетокот на тренажниот процес се закажани за 5 август 2025 година (понеделник), во периодот од 18:00 до 20:00 часот, на вештачките терени при градскиот стадион во Радовиш.
Сите заинтересирани може да добијат повеќе информации на телефонскиот број: 078/247-081 (Бојан Коцев).
ФК Детонит Плачковица упатува спортски поздрав до сите деца, родители и љубители на фудбалот – „Се гледаме на стадион!“
