Верната навивачка група Кратери се мобилизира за да даде силна поддршка на Силекс на првиот меч од новата сезона во Првата македонска фудбалска лига.
Кратовци новата сезона ја отвараат во понеделник (11 август) против Брера Струмица на домашен терен.
„Повик до верните Кратери. „Црвено-плавото“ срце пак ќе чука како едно. 11-ти август, понеделник, Кратово мора да грми! Нашиот Силекс го дочекува тимот на Брера и потребни сме повеќе од кога! Не се доаѓа само на фудбал – се доаѓа да се брани градот, да се брани Силекс! Ние не сме публика – ние сме верните Кратери! Да покажеме што значи да се биде дел од оваа семејство. Кратово се буди Кратерите доаѓаат“, се вели во соопштението на „Кратери“.
Натпреварот се игра во Кратово со почеток од 17:30 часот.
