Охрид „гази“ се пред себе и стигна до нов шести триумф во низа, откако на домашен терен со 35:18 го „потона“ Бисинов од Велес, кој немаше капацитет да парира на амбициозниот тим на Стевче Алушовски.
Костов даде седум гола, а пак Шипинкоски имаше шест погодоци, кај Бисинов најдобар беше Ивица Илиев со шест гола.
Во следното коло лидерот Охрид ќе гостува во Битола кај шампионот Еурофарм Пелистер, а пак Бисинов ќе биде домаќин на Алкалоид.
Куманово загуби на домашен терен со 23:35 од шампионот Еурофарм Пелистер, сосема очекуван триумф за битолчани кои го „здробија“ Куманово. Филип Кузмановски постигна 10 погодоци за битолскиот тим.
Во следното коло Куманово ќе гостува кај Пролет во Скопје.
