Со два натпревари денес беше отворено 4. коло од Третата лига – Запад. Во Кичево поранешниот прволигаш Напредок со 3:1 запиша нова победа над Камјани.
Отпорот на гостинот беше скршен во финишот на првиот дел кога Осман Исмаили во 40. минута постигна гол за 1:0, а по две минути игра Младен Котевски погоди за 2:0.
Во вториот дел Камјани бараше брз гол за да се врати во игра барем за бод, а истиот падна во 83. минута кога Арменд Абдили намали на 2:1. Во судиското надополнување односно во 94. минута Младен Котевски постигна гол за конечни 3:1.
Со овој триумф некогашниот прволигаш од Кичево има три од три на стартот од сезоната.
Вардар Брвеница на домашен терен запиша висок и убедлив триумф над Речица со резултат од 3:0.
Даниел Дарески во 29. минута постигна гол за 1:0 на полувреме. Во вториот дел со два брзи гола Вардар дојде до конечните 3:0, откако Синиша Јованоски во 66. минута погоди за 2:0, а пак Бојан Михајловски во 71. минута ги постави конечните 3:0.
Колото ќе се комплетира утре Доброшти на домашен терен ќе игра со Влазерими, Џепчишти ќе игра со Зајази, Дрита ќе биде домаќин на Велазерими, а пак Љуботен ќе се соочи со некогашниот прволигаш Ренова.
