Работнички официјално го потпиша едногодишниот договор со дефанзивецот Виктор Велкоски, кој ќе биде дел од тимот во претстојната сезона.
Велкоски се враќа кај „романтичарите“ по неговиот претходен ангажман во сезоната 2019/20, со цел да ја засили конкуренцијата во одбраната пред стартот на новата сезона.
Ова засилување во тимот е дел од стратегијата на клубот за создавање конкурентен ростер, со амбиција за висок пласман во домашниот шампионат.
Велкоски последно настапуваше за казахстанскиот клуб Туран, а пролетниот дел од сезоната го мина без клуб. Овој 29-годишен дефанзивец е производ на младинската школа на Вардар, а во својата кариера играше и за македонските клубови Пелистер, Љубанци, Скопје,прилепска Победа и Брегалница. Исто така, има настапи во странство за албанскиот Лачи и грчкиот Егиниакос.
