Селекторот на Хрватска, Дагур Сигурдсон, го објави конечниот список на ракометари за претстојното Европско првенство, што ќе се игра од 15 Јануари до 1 Февруари во Данска, Норвешка и Шведска.
Од првичниот состав од 22 играчи, Анте Иванковиќ и Патрик Мартиновиќ се преместени на резервниот список и ќе бидат достапни само во случај на дополнителен повик.
На крај, Сигурдсон ќе води 20 ракометари – тројца голмани, четири крила, четири пивоти и девет бека.
Хрватска го отвора првенството на 17 Јануари со натпревар против Грузија, а во првата фаза ќе се сретне и со Холандија и Шведска. Двете најдобри екипи од групата ќе обезбедат место во вториот дел од натпреварувањето.
