Романија ќе биде домаќин на Светското првенство за кадетки во 2026 година, откако Меѓународната ракометна федерација (ИХФ) ѝ ја довери организацијата на уште еден голем настан.
Имено, мундијалот за ракометарки до 18 години ќе се одржи во периодот од 29 јули до 9 август, а учество ќе земат вкупно 32 национални селекции.
Натпреварите ќе се играат во четири градови – Крајова, Миовени, Питешти и Римнику Валчеа, со што Романија уште еднаш ја потврдува својата улога како важен организатор на меѓународни ракометни натпреварувања.
Ова ќе биде трет голем настан за романскиот ракомет во краток период, по Европското првенство за младинци и Европското првенство за сениорки, на кое земјата е ко-домаќин.
