Ракомет

Охрид донесе врвно засилување – Ориол Реј Моралес пристигнува од Шпанија

Сподели
Сподели

Ракометниот суперлигаш Охрид ја најави новата сезона со вистинска трансфер „бомба“. Македонскиот суперлигаш успеа да обезбеди потпис од еден од најдобрите дефанзивци во Европа – шпанскиот ракометар Ориол Реј Моралес, кој пристигнува од шпанскиот Гранољерс и ќе го засили охридскиот тим во наредните две сезони.

31-годишниот специјалист за дефанзива, висок 190 сантиметри, доаѓа на бреговите на Охридското Езеро по фантастична сезона во Лигата Асобал, во која беше прогласен за најдобар дефанзивец во шампионатот за 2024/25. Покрај настапите во домашната лига, Реј Моралес сезонава играше и во ЕХФ Европската лига со својот тим.

Кариерата на Моралес говори сама за себе – шест сезони како член на гигантот Барселона, со настапи во Лигата на шампионите, потоа две сезони во францускиот прволигаш Пау Аикс, каде повторно играше на европската сцена, како и значајна улога во составот на Гранољерс.

На репрезентативен план, Реј Моралес минал низ сите младински категории на шпанската репрезентација, каде ја освои бронзата на Европското првенство до 21 година (2014/15). Иако нема официјален настап за сениорскиот тим на „Фуријата“, повеќепати се наоѓал на поширокиот список и одиграл пријателски натпревари и турнири, меѓу кои и на реномираниот турнир во Катар.

Со вакво засилување, ГРК Охрид испраќа силна порака до конкуренцијата – амбициите за следната сезона се јасни, а со ангажманот на Моралес, одбраната на „гладијаторите“ добива европски квалитет и искуство од највисоко ниво.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Трета лигаФудбал

Победа Валандово остана на врвот, Овче Поле со пресврт, Брегалница славеше во Дојран, Каменица Саса со сигурен триумф над „фенерџијата“

Победа Валандово со минимален триумф над Хоризонт Турново останува на врвот во од табелата во Третата лига – Регион 3. Каменица Саса остана...

Втора лигаФудбал

Голем триумф за Камјани, дебитантот во финишот ги освои бодовите против Еуромилк и изби на четвртото место

Во судиското продолжение Камјани стигна до триумф над Еуромилк ГЛ и изби на четвртото место со што се комплетира 12. коло на Втората...

Поврзани написи
Ракомет

Паунков: Победата над Струга ќе ни биде ветер во грб, нашата цел е сигурен опстанок

Синоќешната победа на Младост над Струга е силен ветер во грб за...

Ракомет

Лукиќ: Конечно ја пробивме таа психолошка бариера, победата ќе биде ветер во грб и за останатите натпревари

Младост конечно ја израдува верната публика откако во салата „Млаз“ ја доби...

Ракомет

Андоновски: Конечно успеавме да стигнеме до таа толку посакувана победа, како што бевме и ќе останеме сложни

Младост стигна до својата прва сезонска победа, откако на домашен терен славеше...

Ракомет

Зечевиќ: Покажавме карактер и стигнавме до плус 11 пред реваншот!

ГРК Охрид ја отвори вратата кон следната фаза од ЕХФ Европскиот Куп...

✕
error: Содржина е заштитена! Се забранува копирање на истата!