Ракомет

ЕХФ одлули: Алкалоид го освои Европскиот куп

Сподели
ФОТО: Спортска Мрежа | Забрането превземање!
Сподели

Европската ракометна федерација (ЕХФ) донесе официјална и очекувана одлука во врска со неодиграниот реванш-натпревар од финалето на Европскиот Куп меѓу Алкалоид и АЕК Атина. Натпреварот, кој требаше да се игра во Скопје, не се одржа поради тоа што гостинскиот тим од Грција одби да истрча на терен.

Причината за откажувањето беше внатрешен притисок и закани упатени кон раководството на АЕК од страна на нивни навивачи, но тоа не беше прифатено како оправдување од страна на ЕХФ. Европската куќа на ракометот, по разгледување на сите доставени докази од двата клуба, донесе правична одлука – натпреварот се регистрира со службена победа од 10:0 за Алкaлоид.

„Ракометниот суд при ЕХФ утврди дека АЕК бил должен да учествува на закажаниот натпревар. Со одбивањето да го стори тоа, клубот ги прекршил релевантните прописи на ЕХФ и затоа сноси одговорност.

Судот донесе следна одлука:

Резултатот од реванш натпреварот од финалето на ЕХФ Европскиот Куп за мажи 2024/25 помеѓу РК Алкалоид и РК АЕК Атина се регистрира со 10:0 голови и 2:0 поени.

Првиот натпревар заврши со победа на РК Алкалоид со резултат 29:25.

Со тоа, РК Алкалоид е победник на ЕХФ Европскиот Куп за мажи 2024/25, со сите последици и придобивки што произлегуваат од таа титула.

Жалба против оваа одлука нема суспензивно дејство.

Оваа одлука се однесува само на аспектите поврзани со натпреварувањето. Посебна дисциплинска постапка во врска со одбивањето да се одигра натпреварот, предизвиканата штета и распределбата на билетите сè уште е во тек.

РК АЕК Атина има право да поднесе жалба до Апелациониот суд на ЕХФ во рок од седум (7) дена“, се вели во соопштението на ЕХФ.

Со ова, македонскиот тим стигна до втор триумф во финалната серија, откако претходно славеше и на првиот натпревар во Атина. Така, РК Алкалоид го освои својот прв европски трофеј и влезе во ракометната историја како трет македонски клуб што освоил европска титула, по Вардар и Кометал Ѓорче Петров, кои ја имаат освоено Лигата на шампионите.

ФОТО: Спортска Мрежа | Забрането превземање!

Овој успех има и дополнителна тежина – трофејот е прв тренерски на европско ниво за легендарниот Кирил Лазаров, кој на Алкалоид му донесе историски момент како стратег.

ФОТО: Спортска Мрежа | Забрането превземање!

Македонија доби нов европски шампион, а Алкалоид потврди дека заслужено е дел од елитата на европскиот ракомет.


Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Втора лигаФудбал

Голем триумф за Камјани, дебитантот во финишот ги освои бодовите против Еуромилк и изби на четвртото место

Во судиското продолжение Камјани стигна до триумф над Еуромилк ГЛ и изби на четвртото место со што се комплетира 12. коло на Втората...

Прва лигаФудбал

Струга Трим Лум со комплетен пресврт славеше над Брегалница во Штип и го сочува врвот

Иако имаа негатива по првите 45. минути, фудбалерите на Струга ТЛ триумфално заминуваат од гостувањето кај Брегалница во Штип. Во вториот дел лидерот...

Поврзани написи
Ракомет

Паунков: Победата над Струга ќе ни биде ветер во грб, нашата цел е сигурен опстанок

Синоќешната победа на Младост над Струга е силен ветер во грб за...

Ракомет

Лукиќ: Конечно ја пробивме таа психолошка бариера, победата ќе биде ветер во грб и за останатите натпревари

Младост конечно ја израдува верната публика откако во салата „Млаз“ ја доби...

Ракомет

Андоновски: Конечно успеавме да стигнеме до таа толку посакувана победа, како што бевме и ќе останеме сложни

Младост стигна до својата прва сезонска победа, откако на домашен терен славеше...

Ракомет

Зечевиќ: Покажавме карактер и стигнавме до плус 11 пред реваншот!

ГРК Охрид ја отвори вратата кон следната фаза од ЕХФ Европскиот Куп...

✕
error: Содржина е заштитена! Се забранува копирање на истата!