Еурофарм Пелистер против Охрид ќе се соочи во денешното полуфинале од Ф4 Купот на Македонија, а кој меч е на програмата во 19:30 часот во СРЦ „Билјанини Извори“.
Претставникот на битолскиот клуб, Звонко Шундовски вели дека Еурофарм Пелистер долги години го нема освоено Купот, нивните амбиции се враќање на Куп титулата во Битола.
„Ф4 во Купот претставува едно натпреварување кое буди посебни емоции. Сите го посакуваат во своите витрини, Еурофарм Пелистер долги години го нема освоено овој куп и доаѓаме со амбиции да го вратиме кај нас. Купот ни прередувал изненадување. Мислам дека и сега ќе биде така. Знаеме дека тука не победуваат фаворити, и затоа се подготвуваме посветено и максимално. Ако се пласираме, а убеден сум дека ќе се пласираме после 20 години да го вратиме трофејот“, рече Шундовски.
Денес и утре се игра Ф4 од Купот на Македонија во машка конкуренција во градот покрај езерото, а на завршницата учествуваат Охрид, кој е домаќин, Еурофарм Пелистер, Вардар и Алкалоид.
