Најдобриот македонски кик боксер, Бобан Илиоски, престојниов викенд на 24 мај ќе ја брани титулата светски професионален шампион во кикбокс на ВАКО ПРО во дисциплината К1, во категоријата до 88,6 килограми. Големата борба ќе се одржи во Женева, Швајцарија.
Илиоски во рингот ќе се соочи со искусниот Французин Кадри Мурсели, а настанот се очекува да биде вистински спектакл на боречки вештини. Македонскиот шампион ја освои оваа престижна титула минатата година во СЦ „Јане Сандански“ во Скопје, каде што славеше против светскиот аматерски првак Берк Дузенли од Турција со судиска одлука 2-1.
Таа борба беше историски момент за македонскиот кикбокс, бидејќи за првпат нашата држава беше домаќин на ваков настан под покровителство на Кикбокс маитаи-федерацијата на Македонија.
Виолета Јанчева, Спортска Мрежа
