Екипата на Беса од Добри Дол стана шампион во Регионалната полошка лига – група Б петлиња 2010, откако во последното, 18-то коло, триумфираше над Арсими со 1:2.
Во рамки на последниот натпревар, екипата на Арсими уште во 3. минута дојде до водство откако погоди Ајан Илјази. До крајот на првото полувреме, Беса преку Фатон Даљипи израмни на 1:1 во 20. минута, а веќе во 27. минута направи и пресврт со гол на Кадри Кадрији за конечни 1:2.
Оваа генерација е предводена од капитенот Омер Џеладини, кој е клучен играч, а исто така треба да се истакнат и Ендри Реџепи, Амин Зубери, Семир Метлику, како и Арби Џабири.
Голем успех за овие млади играчи, кои се светла иднина на фудбалскиот клуб Беса, кој преку бараж ќе се бори за опстанок во Првата македонска фудбалска лига.
„Генерацијата е предводена од тренерот професор Ардиан Имери, како и координаторот професор Венхар Велија, а клубот одлично се развива и напредува благодарение и на генералниот спонзор ‘Global Immobilen’, на чело со семејството Таири“, истакна портпаролот на клубот, Абудала Јонузи за Спортска Мрежа.
Беса заврши на првото место со 36 бодови на своето конто само бод повеќе од Дрита која заврши втора со 35 бодови.
Тимот од Добри Дол во Регионалната полошка лига Б 2010 – петлиња имаше учинк од 11 победи, три ремија и два порази, притоа постигна 67 погодоци, а прими 29 гола.
