Капитенот на машката одбојкарска репрезентација на Македонија, Никола Ѓоргиев, и во новата сезона ќе го носи дресот на чешкиот Карловарско, со кој минатата сезона ја освои шампионската титула.
Искусниот коректор, кој има 38 години, пред себе ќе ја има 22. интернационална сезона во професионалната кариера. Ѓоргиев од вчера е во Чешка, каде веднаш им се приклучи на тренинзите на екипата, а клубот денеска официјално го потврди неговото враќање.
Македонскиот репрезентативец зад себе има богата интернационална кариера, во која настапуваше во Србија, Италија, Турција, Франција, Германија, Полска, Јапонија, Словенија и Романија. Сега, втора сезона по ред, ќе биде дел од најсилната чешка лига, каде ќе има можност да ја продолжи успешната приказна со Карловарско и да се обиде да стигне до нови трофеи