Тетовски Љуботен продолжува да доминира во женскиот фудбал – клубот и во сезоната 2024/2025 успеа да ја одбрани титулата и по четврти пат во низа стана шампион на Македонија во Првата женска фудбалска лига.
На едно коло до крајот, Љуботен во рамки на 26. коло славеше како гостин со 0:2 против Каменица Саса, со што и математички ја завери титулата. Екатерин Фролова уште во петтата минута донесе водство, а Елена Симјанова во вториот дел го постави конечниот резултат за ново славје на шампионот.
Со оваа победа, Љуботен ја комплетираше новата двојна круна, откако претходно триумфираше и во Купот на Македонија со победата од 3:0 над Тиверија Брера.
Ова е четврта последователна титула за Љуботен (2021/22, 2022/23, 2023/24 и 2024/25), со што се израмни со Драгон, кој има исто толку шампионски круни. На врвот на вечната табела и натаму останува Шкипоњат со пет титули, освоени во периодот од 2003 до 2008 година.
Љуботен со секоја сезона го зацврстува своето место меѓу најуспешните женски клубови во македонскиот фудбал, а воедно и најавува уште поголеми амбиции за иднината. Љуботен ќе игра во квалификациите за Лигата на шампионите
