После долгата пауза второлигашите денес ги продолжуваат натпреварите, а на програмата ќе бидат мечевите од петтото коло, а од четврото ќе се одиграат в среда.
Оваа петта рунда го носи соочување на Охрид и Башкими на „Билјанини Извори“, две екипи со силен императив за трите бодови.
Охрид не тргна според посакуваното во новата сезона, по завршувањето на ланската сезона веднаш беше прекината соработката со Александар Толески, а на негово место за нов тренер беше поставен Никола Илиевски – Џиџи.
Јавноста во Охрид беше поделена во однос на разрешувањето на Толески, а и самиот екс тренер излезе тогаш со негово гледиште на настаните.
Но, да се вратиме на новата сезона. На првиот меч Охрид претрпе пораз од ланскиот прволигаш Македонија ЃП со резултат од 2:0. Фаворит беше тимот од Ѓорче, „лавовите“ имаат квалитетен тим, но фокусот веднаш се стави на второто коло и на мечот со Арсими, е тука следуваше потоп откако Арсими со 2:4 го совлада Охрид на „Билјанини Извори“.
Во рамки на 3. коло Охрид гостување во Струмица каде под рефлектори одигра со Беласица само 1:1 и освои бод во дуелот на двете екипи кои во новата сезона немаат триумф.
Од можни девет бодови охриѓани имаат само еден бод на контото и се наоѓаат на претпоследното место на таблата, зад нив е само повратникот Борец кој нема бодови.
Дека црвениот аларм е пред вклучување во Охрид е големиот пораз во Купот на Македонија од прволигашот Беса со резултат од 1:5, иако дека овде Беса е голем фаворит, од друга страна Охрид нема некои амбиции за во Купот.
Пред Охрид утре е мечот со Башкими, каде мора да се стигне до победа и цел „плен“ во секој друг случај ќе биде нов голем неуспех за охриѓани.
Башкими е квалитетно засилен со отворени амбиции за враќање во Првата лига. Второлигашот од Куманово тргна со триумф над Борец во Велес, потоа дома загуби од Македонија ЃП, па го доби Арсими.
Предност за Башкими може да биде што Куп мечот со прволигашот Воска Спорт го игра на 2. октовмри (среда), па екипата е одморена пред мечот со Охрид, освен оние играчи кои беа аматерската репрезентација на Македонија во Србија, во однос на Охрид кој Куп мечот со Беса го одигра на домашен терен изминатата среда.
Башкими оди по трите бодови и силно посакува да се врати со трите бодови во Куманово.
На претходноте две соочувања Башкими беше подобар од Охрид во КУманово со минимални 1:0 на меч одигра на 12. август, а пак на 17. февруари оваа година Башкими со 0:2 славеше над Охрид на „Билјанини Извори“.
Натпреварот меѓу Охрид и Башкими ќе го суди Александар Урошевиќ од Тетово.
