Некогаш настапуваше во Втората македонска фудбалска лига, десеттина години не беше активен, а сега се враќа во Општинската фудбалска лига во Прилеп.
Фудбалскиот клуб Корзо пополека се враќа со цели и амбиции да дојде и до Трета лига – Југ. Во новата сезона во Општинската А фудбалска лига во Прилеп, Корзо сериозно ќе конкурира за повисок пласман на табелата, а со тоа и можност да дојде и до пласман во Трета лига – Југ.
Веќе утре започнува новата сезона во Општинската А фудбалска лига во Прилеп со седум екипи, а во рамки на првото коло Корзо ќе се соочи против Стрела 21 во дерби меч.
Управата на Корзо цели кон тоа клубот во иднина да биде во повисок ранг на натпреварување. Претседател на клубот е Ристе Ристески, Мили Ристески е одговорен за групата, Драган Ташкоски е тренер на екипата, а пак Деан Ристески е задолжен во делот со финансии односно спонзорите и потребната опрема за клубот.
Ростерот на екипата е засилен со пет играчи, а најпознат е шпицот Деан Ристески – бонбончето, кој моментално е играч и дел од управата.
Корзо годинава е далеку поквалитетен во однос на ланската сезона кога се врати на фудбалската карта на Македонија, а тоа е потврда дека клубот работи сериозно кон амбициите да се надоградува и да стигне до Трета лига – Југ.
Натпреварот меѓу Стрела 21 и Корзо се игра утре во 10 часот, а главен судија на мечот ќе биде Дарко Камалоски, негови помошници ќе бидат Бојан Попески, а пак втор помошен судија ќе биде Христијан Трајкоски, за делегат е делегиран Јордан Стефаноски.
