Борец по поразот во Купот на Македонија од Детонит Плачковица (0:1) се одлучи да направи тренерска промена, на местото на Љупчо Димитковски – Гањо пристигна Даниел Стојановски, кој ќе има доста работа со повратникот во Втората лига.
Борец статистички е најлош, а дали новите играчи и новиот тренер конечно ќе донесат позитивни резултати кај второлигашот од Велес одговорот ќе го имаме денес после 15 часот.
По три одиграни натпревари во Втората лига Борец е едиствен тим кој нема постигнато погодок, сите второлигаши постигнале по најмалку три погодоци, а во Борец засега нема гол.
Од друга страна Ниту одбраната не е на посакуваното ниво, примени седум погодоци, од кои пет само од Победа во Прилеп, а во тие седум еден е автогол.
Пораз и во Купот на Македонија од Детонит Плачковица, иако таму Борец немаше амбиции, но и таму велешани не постигнаа гол.
Пред Борец денес е мечот со повратникот Вардарски, практично ова е дуел на двата нови второлигаши кои лани беа дел од Трета лига – Југ односно Исток и преку баражите стигнаа до Втора лига.
Вардарски е подобар од Борец од можни девет бодови собра два, односно има реми со Скопје (2:2), загуби во дербито на Југот од Кожуф со 1:3, а извлече бод на тешкото гостување во Радовиш кај Детонит Плачковица (1:1).
Четири постигнати и шест примени погодоци е статистиката за Вардарки со две ремија и еден пораз.
Практично во Велес гледаме дуел за прва победа на двата лански третолигаши, а сега нови второлигаши, а ќе гледаме дуел во кој Борец ќе го бара и првиот гол во новата сезона.
Натпреварот меѓу Борец и Вардарски кој се игра на Градскиот стадион во Велес ќе го суди Владимир Ѓорѓиевски од Битола.
