Македонската фудбалска репрезентација до 15 години заврши на последното место на „Турнирот на нациите“ кој се одржуваше до 25 април до 1 мај во Италија, Словенија и Австрија.
Станува збор за силен Меѓународен турнир со учество на 12 репрезентации, кои беа поделени во четири групи со по три селекции. Македонија беше во група со Јужна Кореја и Словенија.
Македонската репрезентација предводена од селекторот Иљами Исени заврши на последното место, а нашата репрезентација не успеа да постигне ниту гол.
Македонија од репрезентацијата на Словенија загуби со високи 0:3, додека пак од Јужна Кореја поразот беше од минимални 0:1.
Во разигрувањето за пласман од 9-то до 12-то место, македонската репрезентација доживеа нови порази. Од Обединетите Арапски Емирати загуби со 0:1, а со таков резултат Македонија загуби и од Саудиска Арабија (0:1), со тоа Македонија зарши на последното 12. место на „Турнирот на нациите“.
Репрезентативен повик за македонската репрезентација добија и Марио Стојчевски и голманот Младен Крстевски од фудбалскиот клуб Кул Здравје од Скопје.
| Пласман | Репрезентација |
|---|---|
| 1. | 🇮🇹 Италија |
| 2. | 🇷🇴 Романија |
| 3. | 🇨🇿 Чешка |
| 4. | 🇸🇮 Словенија |
| 5. | 🇰🇷 Јужна Кореја |
| 6. | 🇦🇹 Австрија |
| 7. |  Велс |
| 8. | 🇲🇪 Црна Гора |
| 9. | 🇮🇪 Ирска |
| 10. | 🇦🇪 Обединетите Арапски Емирати |
| 11. | 🇸🇦 Саудиска Арабија |
| 12. | 🇲🇰 Македонија |
