Дебитантот во Првата лига, екипата на Беса од Добри Дол одлучи да направи тренерска промена и ја прекина соработката со искусниот стратег Александар Таневски.
Беса ќе добие нов тренер, а Таневски останува запишан во историјата на овој клуб како тренер кој ја внесе Беса за првпат во историјата на фудбалската елита на Македонија.
“Сопствениците на клубот сметаат дека е потребен нов дух во нашиот клуб и поради оваа причина со меѓусебен договор со тренерот Таневски решивме да ја прекинеме соработката. Беса му се заблагодарува на тренерот Таневски за неговата работа и му посакува континуирани успеси”, велат од клубот.
Во минатото Таневски ги предводеше Брера Струмица тогаш Академија Пандев и Македонија ЃП.
Изненадување е тоа што Беса одлучи да се раздели со Таневски, откако вчера Беса со 1:5 го декласираше Охрид во Купот и обзбеди пласман во осминафиналето од Купот.
Овој викендот Беса дома ќе игра со Пелистер.
