Десното крило Златко Мојсоски на 42 години реши да стави крај на својата долга и успешна ракометна кариера. Кариерата ја започна во својот роден град Струга, а истата ја завршува во Струга, откако минатата сезона беше последна за него во дресот на РК Струга.
Мојсоски својата кариера ја започна во Струга, а потоа од таму замина во Пелистер, Охрид, Тиквеш Кавадарци, Вардар, Металург, Прилеп, Работник, потоа Еурофарм Работник, беше дел од Бутел Скопје пет сезони, и последно одигра за Струга. Покрај настапите во домашното првенство со екипите на Пелистер, Металург, Вардар и Бутел Скопје настапуваше и во европските купови.
Стружанецот со македонската репрезентација играше на ЕП 2012 во Србија, како и на ЕП 2014 во Данска, беше во репрезентативниот состав за квалификациите за ОИ 2012, одигра и две СП со репрезентацијата на Македонија во 2013 во Шпанија, а играше и на СП 2015 во Катар.
Популарниот Козла даде многу за македонскиот ракомет, во секој клуб даде максимум, а тој сега останува во Струга со цел да му помогне на клубот со своето искуство на секој можен начин.
Александар Ванев, М-Нет
