Младите тенисери и тенисерки од Македонија преку настап на домашни турнири ја билдаат својата форма, но и дополнително го собираат потребното искуство за во иднина. Оваа недела се одигра третиот турнир во Скопје на терените на тенискиот клуб Југ, а преку истиот повеќе македонски тенисери и тенисерки имаа можност да одиграат натпревари кои ќе им дадат искуство за во иднина.
Теона Андова и Ана Митевска играа полуфинале во двојки, додека пак Јана Божиновска и Катја Ивановски беа четвртфиналистки, а овие две тенисерки беа и четвртфиналистки и во поединечна конкуренција.
Во машка конкуренција Амар Хусеиновиќ за малку не успеа да обезбеди полуфинале, додека пак Александар Трифуновски беше четвртфиналист во конкуренција на двојки, а играше и трето коло во сингл.
Пред младите македонски тенисери и тенисерки и оваа недела е уште еден од серијата турнири кои се играат во Скопје, а овој ќе се одигра на терените на тенискиот клуб Поинтер.
Овие турнири се дозна важни и значајни во развојот на младите тенисери од Македонија. Во Источниот дел на Македонија пред околу два месеци се одржа голем Меѓународен тениски турнир „Радовиш Опен“, кој од година во година зема се поголем зафат и важни како спортски настан кој значително го промовира тенис како спорт не само во Радовиш, туку и во цела држава со настап на големи тениски имиња кои високо котираат на АТП листата.
Александар Ванев, Спортска Мрежа
