Реми без голови на дербито во Кривогаштани откако Младост и лидерот Големо Коњари ремизираа без голови играјќи 0:0.
Башкими 2008 забележа домашна победа од 2:0 над Влазними Јуниор со погодоците на Јашари и Ахмедовски
На домашна победа се радуваше и Ултрас кој со 3:1 го доби Дреново, каде Миодраг Тасески беше стрелец за домаќинот во 2. минута, а пак Берхан Мемедов погоди во 43. минута за 1:1 на полувреме.
Во вториот дел Бобан Тошески беше двоен стрелец за 3:1 и со тоа трите бодови останаа дома.
Реми на Бучин и Питу Гули откако двете екипи одиграа 1:1, а гостинот до ремито дојде во 92. минута со гол на Благојче Митрески, а за домашниот тим стрелец беше Бојан Мицески.
Некогашниот второлигаш Росоман преку пресврт со 4:2 ја доби Слога од Лажани на домашен терен. Миловановиќ, Јованов, Николов и Миланов беа стрелците за домашниот тим, а пак за гостинот Ибраими погоди во 4. минута, а во вториот дел стрелаше и Волчески.
Слободни екипи во оваа коло беа Превалец и Венец од Долни Дисан.
Лидер е Големо Коњари со 42 бодови на своето конто, а на второто место е Превалец со 38 бодови, додека пак Башкими 2008 е трет со 35 бодови.
