За продолжението од Втората македонска фудбалска лига екипата на Осогово се засили со штипјанецот Иван Хубрев, кој во Кочани доаѓа од редовите на радовишки Детонит Плачковица.
Хубрев одново го облекува дресот на Осогово, откако во пролетниот дел во 2022 година го носеше дресот на „жетварите“, а покрај за Детонит Плачковица, настапуваше и за младинските категории на штипска Брегалница, а ги помина младинските погони и на Беласица и Вардар.
Хубрев од Детонит Плачковица заминува во Осогово во потрага по поголема минутажа, бидејќи за радовишкиот второлигаш и немаше солидна минутажа.
Осогово доби и нов тренер, Горанчо Георгиев ќе го води тимот во продолжението од сезоната, во која целта на Осогово ќе биде директен и сигурен опстанок.