Македонскиот ракометен шампион Еурофарм Пелистер со пораз ја отвори новата сезоан во Лигата на шампионите, откако во првиот меч загуби од ПСЖ во Париз со 31:29.
Натпревар со многу осцилации во играта, пред се во тоа што битолчани доаѓаат до негатива од осум погодоци при 25:17 во вториот дел од мечот, а потоа во финишот стигнаа и до минус еден при 30:29, но на крајот парижаните стигнаа до триумф од 31:29 односно плус два.
Најдобар во редовите на ПСЖ со 11 постигнати погодоци беше Ками Шипжаж, а пак голманот Андреа Паличка беше одличен на својот гол со десет интервенции, додека пак кај Битолчани најдобар беше Филип Кузмановски со осум гола, Пешевски и Цехте имаа по шест гола, а Филип Ивиќ забележа шест интервенции.
Во рамки на 2. коло во Битола доаѓа бундеслигашот Фуксе Берлин, а ПСЖ гостува во Унгарија кај Веспрем.
