Радовиш како повратник во Суперлигата со пораз ја започна сезоната, откако загуби од фаворитот Охрид, меѓутоа пред радовишани е тежок распоред, следува гостување кај Алкалоид во Автокоманда, а потоа во рамки на 3. коло доаѓа Вардар во СРЦ „25-мај“.
Сепак, ваквиот тежок распоред за радовишани може да се смета и за предност, за што и еден од тренерите на клубот, Спасе Ѓоргиев во изјавата за Спортска Мрежа го потврди тоа. Тешкиот распоред и играњето против Охрид, Алкалоид и Вардар на почеток од сезона може да се искористи за воигрување на екипата пред за нив клучните мечеви кои следуваат против екипи кои би се нашле и би се бореле за опстанок.
- ИЗЈАВА НА СПАСЕ ЃОРГИЕВ, ТРЕНЕР НА РК РАДОВИШ ЗА СПОРТСКА МРЕЖА:
Тешкиот распоред ќе биде можност Радовиш да се воигра уште повеќе за натпреварите кои следуваат после третото коло. Иванче Ончев за Спортска Мрежа изјави дека тешкиот распоред ќе го искористат за дополнително воигрување, пред натпреварите на кои ќе се води вистинската борба за трите бодови против екипи кои ќе се најдат во плеј-аутот.
- ИЗЈАВА НА ИВАНЧЕ ОНЧЕВ ЗА СПОРТСКА МРЕЖА:
Овој викенд Радовиш ќе гостува во Автокоманда кај големиот фаворит Алкалоид, а потоа радовишани ќе одиграат два натпревари на домашен терен, против Вардар во рамки на 3. коло и против Бутел Скопје во рамки на 4. коло. Потоа за Радовиш доаѓаат натпреварите на кои ќе влезе во борба за трите бодови како што се соочувањата со Пролет, Бутел, Прилеп, Струга, Куманово и Бисинов.
Практично од овие екипи ќе се бараат шест патници во плеј-аутот, а една ќе се приклучи на плеј-офот во кој речиси сигурно одат шампионот Еурофарм Пелистер, освојувачот на Суперкупот Алкалоид, Вардар, Охрид и Тиквеш.
