Македонската машка ракометна репрезентација ги привршува подготовките за почетокот на квалификацискиот циклус за Европското првенство во 2028 година. Избраниците на Кирил Лазаров го одработија последниот тренинг пред првиот предизвик, во кој на домашен терен ќе ја пречекаат селекцијата на Луксембург.
Македонските ракометари утре ќе ја имаат првата можност да ги освојат бодовите во новиот квалификациски циклус, а дуелот со Луксембург ќе биде првиот чекор кон посакуваното место на континенталниот собир.
Натпреварот е закажан за 19:00 часот во СЦ „Борис Трајковски“ во Скопје, каде што нашите ракометари ќе ја имаат поддршката од домашната публика.
Со максимална мотивација и поддршка од трибините, Македонија ќе го започне патот кон ЕП 2028.
