Македонската ракометна репрезентација ќе има интернационални судиски двојки на почетокот од квалификациската трка за Европското првенство во 2028 година. Европската ракометна федерација ги одреди арбитрите и делегатите за средбите против Луксембург и Грција, кои се први на програмата во групата.
Утрешниот дуел во Скопје ќе го водат словенечките судии Пукшиќ и Сатлер, додека улогата на делегат ја доби Турчинот Дилмен. Средбата во СЦ „Борис Трајковски“ започнува во 19:00 часот, а македонскиот национален тим ќе атакува на првите бодови во квалификациите.
За вториот натпревар, на гостувањето кај Грција, делегирана е германската судиска двојка Шулце и Тониес. Полјакот Горалчук ќе ја извршува делегатската функција на дуелот што ќе се одигра на 8 ноември од 16:00 часот во Халкида.
Со две победи на стартот, Македонија би направила значаен исчекор во борбата за пласман на континенталниот шампионат, кој во 2028 година ќе се одржи во Шпанија, Швајцарија и Португалија.
