Денес ќе биде комплетирано десеттото коло во Втората македонска фудбалска лига, а пред истото ќе направиме краток преглед на табелата и што ќе донесат денешните натпревари, дали може да очекуваме големи промени?
Четири натпревари денес треба да се одиграат за комплетирање на десеттата рунда. Камјани го чека Тетекс, Македонија ЃП против Осогово, Пелистер против Детонит Плачковица и дербито меѓу Работнички и Беласица.
Охрид е лидер со 25 бодови и сега ќе навива на „киксови“ на конкурентите за да има поголема бодовна разлика, на лидерот му одговара било каков „кикс“ на битолчани со радовишани, а притоа му прилог му оди Работнички да загуби од Беласица во Маџари.
Но, покрај за Охрид притисок има и кај Детонит Плачковица кој ќе се обиде да ја преживее Битола на било каков начин, реми или триумф и дома да донесе бод или три, за да може да не дојде во ситуација да заврши во опасната зона.
Беласица по низата од седум натпревари на кои ремизираше ќе се обиде против Работнички да го запише третиот сезонски триумф, па со тоа Беласица да има 16 бодови и да се доближи до позициите за Прва лига. „Романтичарите“ сакаат да бидат први кои ќе успеа да ги поразат струмичани.
Камјани и Тетекс во локално дерби на две екипи кои имаат само бод разлика на една во однос на друга. Ако Камјани слави тогаш ќе има три бодови со кои му се отвара сериозен простор да напаѓа за бараж за Прва лига, а пак Тетекс, со три бода ќе избие на петтото место и ќе го скокне Камјани.
Осогово по победата над Брера во претходното коло сега се надева дека ќе успее да дојде до втора сезонска победа, а прва во гости против Македонија ЃП. „Лавовите“ пак ќе бараат враќање на победите и три бода за да бидат сигурни во средината од табелата со цел да не ги стигнат конкурентите.
- ЦЕЛА ТАБЕЛА ПРЕД КОМПЛЕТИРАЊЕ НА 10. КОЛО ВО ВТОРА ЛИГА
