Ракометарите на Алкалоид се враќаат на обврските во домашното првенство, откако ги завршија настапите на европската сцена и успешно се пласираа во следното коло од ЕХФ Купот. Следен предизвик за избраниците на Кирил Лазаров е гостувањето кај Бутел Скопје, во рамки на новото коло од Супер лигата.
Викендов, исто така и Бутел го одигра реваншот од второто коло од ЕХФ Купот, меѓутоа и покрај храбрата борба и минималната победа над Горица, не успеа да се пласира во следното коло.
Затоа, натпреварот меѓу скопските ривали е закажан за вторник, 27 октомври, со почеток од 17:00 часот, во спортската сала „Антон Димитров“, каде што Алкалоид ќе се обиде успешно да ги продолжи настапите во домашното првенство.
