Непоразениот лидер Илинден до нов триумф откако во меч од 7. коло на Трета лига регион 1 славеше над Перпарими Нигиштан со што во целост ја оправда фаворитската улога.
Илинден кој е прв фаворит за бараж за Втора лига во овој регион до високиот триумф стигна преку трите гола на Ален Јашароски, а по еден гол постигнаа Давид Ристовски, Дарио Десниќ и Керим Ибраимов.
Дуелот меѓу Фортуна и Аеродром немаше победник, а понуди два гола за конечни 1:1.
Шуајб Рамани во 10. минута донесе водство за домашниот тим, а во 70. минута Арсим Нуредини си постигна автогол со што гостинскиот тим се спаси од пораз.
Башкими Љуботен ја доби голеадата на домашен терен со Беса од Сарај откако славеше со 4:3 и тоа преку пресврт.
Фуркан Саити по само две минути го отвори резултатот за водство на гостинот, а во 13. минута Омер Хамити погоди за 1:1 во 13. минута.
Во вториот дел домашниот тим преку головите на Елмедин Арифи во 48. минута и голот на Албан Алија во 54. минута обезбеди водство од 3:1.
Гостинот се обеди да се врати во игра откако Зирап Имери во 61. минута погоди за 3:2, но само четири минути подоцна Вулнет Далипи погоди за 4:2.
Во 72. минута гостинската екипа го ублажи поразот на 4:3 откако погоди Ибрахим Мемеди.
Њу Старс на домашен терен загуби од Студеничани со резултат од 1:3. Гостинот имаше предност на полувреме со голот на Зејди Шабани.
Во вториот дел домаќинот преку Максим Франговски израмни на 1:1 во 80. минута, а потоа во четири минути гостинот со двата гола на Аган Алиу во 85. и 89. минута ја потврди победата од 1:3.
Извештајот на Спортска Мрежа од вчерашните натпревари можете да го прочитате овде.
