БВК Коњаре со убедлива победа го отвори 7. коло во Трета лига регион 1 откако на домашен терен со 4:1 славеше над Марино.
Гезим Бакиевски беше двоен стрелец, а по еден гол постигнаа Руфат Чалафи и Бурим Алиев, за гостинскиот тим Александар Стојковски беше единствен стрелец.
Ржаничино пред домашната публика со 2:1 славеше над Кул Здравје и тоа преку пресврт. Гостинот во 15. минута преку Филип Костовски дојде до предност од 0:1, а во судиското продолжение на првиот дел Стефан Богдановски израмни на 1:1.
Во второто полувреме Халил Калач погоди во 60. минута за конечни 2:1 со што трите бодови останаа дома.
Колото ќе се комплетира со останатите мечеви кои се играат утре.
