Одбојкарите на Универзитет во Тетово го освоија последното место во Првата А лига за регуларниот дел од сезоната, откако во драматичен расплет го совладаа ривалот Шкендија во решавачкиот „златен сет“ со 15:13.
Шкендија успеа да го добие реваншот со 3:1 во сетови (25:22, 14:25, 26:24, 25:21), со што ја надомести негативата од првиот натпревар и израмни на 1:1 во победи. Поради тоа, патникот во Првата А лига мораше да биде решен со дополнителен сет.
Во него се водеше голема борба за секој поен. Резултатот беше изедначен на 9:9, а потоа Шкендија имаше минимална предност од 12:11. Сепак, во најважните моменти одбојкарите на Универзитет во Тетово покажаа поголема смиреност и решителност, па со 15:13 го освоија „златниот сет“ и го потврдија пласманот во посилната конкуренција.
Со овој дуел е комплетирано претколото во Првата лига за мажи, па сега се познати сите учесници во Првата А и Првата Б лига за регуларниот дел од сезоната.
