Одбојкарските екипи на ГОК Борец, Струмица 47&72, Работнички 71&22 и Сушево успешно го минаа претколото и обезбедија пласман во Првата А лига за регуларниот дел од сезоната. Таму ќе му се приклучат на актуелниот шампион Штип УГД.
ГОК Борец, Струмица 47&72 и Работнички 71&22 ја завршија работата со максимален ефект во двомечите против Весна Пробиштип, Македонија Џио и Скопје. Сите три екипи славеа и во реваншите, па со по две победи ги потврдија своите места во посилната конкуренција.
Најголема драма имаше во дуелот меѓу Сушево и Лирија, во кој домаќините повторно славеа со 3:2. По неизвесниот натпревар во пет сета во Тетово, и реваншот донесе голема борба, а победникот повторно беше решен во тај-брејк.
Сушево поведе со 2:0 во сетови, но Лирија успеа да се врати во натпреварот и да израмни на 2:2. Сепак, во решавачкиот сет домашната екипа беше поконцентрирана во клучните моменти, стигна до нов триумф од 3:2 и го завери пласманот во Првата А лига.
Во Првата Б лига во регуларниот дел од сезоната ќе настапуваат Весна Пробиштип, Македонија Џио, Скопје, Лирија и Јанта Волеј мажи.
